Uppflettihandbók
F4
Umhirða varanna
Tæknileg atriði og atriðisorðaskrá
• Ef ekki á að nota rafhlöðuna í langan tíma skal setja hana í myndavélina og tæma
hana alveg áður en hún er fjarlægð og sett í geymslu. Rafhlöðuna skal geyma
á svölum stað þar sem hitastigið er 15°C til 25°C. Geymið ekki rafhlöðuna á mjög
heitum eða mjög köldum stað.
• Taktu rafhlöðuna alltaf úr myndavélinni eða hleðslutækinu þegar hún er ekki
í notkun. Þegar hún er í er alltaf lítils háttar straumnotkun þótt hún sé ekki
í notkun. Við þetta getur rafhlaðan tæmst um of og hætt að virka. Ef kveikt er eða
slökkt á myndavélinni með tóma rafhlöðu getur það dregið úr endingu
rafhlöðunnar. Þegar hleðsla rafhlöðunnar er á þrotum verður að hlaða hana áður
en hún er notuð.
• Endurhlaða skal rafhlöðuna að minnsta kosti á sex mánaða fresti og tæma hana
alveg áður en hún er sett í geymslu.
• Þegar rafhlaðan hefur verið fjarlægð úr myndavélinni eða hleðslutækinu skal
setja tengjahlífina sem fylgir á hana og geyma hana á köldum stað.
• Ef sá tími sem fullhlaðin rafhlaða heldur hleðslunni þegar hún er notuð við
stofuhita styttist verulega gefur það til kynna að skipta þurfi um rafhlöðuna.
Kaupið nýja EN-EL12 rafhlöðu.
• Skiptu rafhlöðunni út þegar hún heldur ekki lengur hleðslu. Notaðar rafhlöður
eru verðmæt auðlind. Skilaðu þeim til endurvinnslu í samræmi við reglugerðir
á viðkomandi svæði.
Hleðslustraumbreytir
• Lestu og farðu eftir viðvörunum í „Öryggisatriði“ (Avi til viii) áður en
hleðslustraumbreytirinn er notaður.
• EH-69P hleðslustraumbreytirinn er aðeins ætlaður til notkunar með samhæfum
tækjum. Ekki skal nota hann með annarri gerð eða tegund tækis.
• EH-69P er samhæfur AC 100-240 V, 50/60 Hz rafmagnsinnstungum. Fyrir notkun
í öðrum löndum getur þurft að nota millistykki (sem þarf að kaupa sérstaklega).
Ferðaskrifstofur geta gefið upplýsingar um slík millistykki.
• Ekki skal, undir neinum kringumstæðum, nota aðra gerð eða tegund
straumbreytis en EH-69P hleðslustraumbreyti eða USB-straumbreyti. Ef þessari
varúðarráðstöfun er ekki fylgt getur það valdið ofhitnun eða skemmdum
ámyndavélinni.