User manual

Braiteoir IR
Úsáideann cianrialtán na teilifíse RF (radaimhinicíocht) chun a
orduithe a sheoladh chuig an an teilifís. Ní gá an cianrialtán a
phointeáil i dtreo na teilifíse nuair atá RF ann.
Mar sin féin, tá an teilifís in ann glacadh freisin le horduithe ó
chianrialtán a úsáideann IR (infridhearg) chun orduithe a
sheoladh. Má úsáideann tú a leithéid de chianrialtán, bí cinnte i
gcónaí go bpointeálann tú an cianrialtán i dtreo braiteoir
infridhearg an chianrialtáin ar aghaidh na teilifíse.
Péireáil
Úsáideann an cianrialtán seo radaimhinicíocht (RF) chun a
orduithe a sheoladh chuig an teilifís. I gcodarsnacht le
cianrialtáin a úsáideann comharthaí infridhearg, is féidir leat
orduithe a sheoladh leis an gcianrialtán seo gan pointeáil i dtreo
na teilifíse.
Mar nach bhfuil gá an cianrialtán a phointeáil, tá sé éasca an
méarchlár ar an gcúl a úsáid nó orduithe a sheoladh ó sheomra
eile - airde na fuaime nó cainéil a athrú. Chomh maith leis sin,
tá an teilifís in ann tú a chur ar an eolas nuair atá cumhacht
cheallra an chianrialtáin íseal.
An cianrialtán a phéireáil
Chun go mbeidh an cianrialtán in ann cumarsáid leis an teilifís,
ba cheart an teilifís agus an cianrialtán araon a bheith péireáilte
lena chéile. Nuair a péireáilfear den chéad uair iad, ní féidir leat
an cianrialtán a úsáid chun teilifís eile a rialú.
Nuair a chuir tú tús le suiteáil na teilifíse, thug an teilifís
cuireadh duit an eochair OK a bhrú, agus leis sin, rinneadh an
phéireáil. Nuair a chasann tú as an teilifís, stóráiltear an
phéireáil. Is féidir suas le 5 chianrialtán a phéireáil leis an teilifís
seo.
Péireáil arís
Is féidir leat cianrialtán eile a phéireáil leis an teilifís seo.
Ní mar a chéile an modh péireála i gcás cianrialtán atá péireáilte
le teilifís eile cheana féin seachas cianrialtán nár péireáileadh
fós.
• Tá an cianrialtán péireáilte le teilifís eile
Chun an phéireáil a dhéanamh, beir ar an gcianrialtán gar do
lógó Philips (thart ar 10cm uaidh) agus brúigh na heochracha
* Dearg agus * Gorm ag an am céanna. Má éiríonn le
péireáil, beidh teachtaireacht ann.
• Níl an cianrialtán péireáilte fós
Chun an phéireáil a dhéanamh, beir ar an gcianrialtán gar do
lógó Philips (thart ar 10cm uaidh) agus brúigh OK. Má éiríonn
le péireáil, beidh teachtaireacht ann.
Do mhiondíol
Chun teilifís nua - nár péireáileadh fós - a phéireáil le cianrialtán
atá péireáilte cheana féin le teilifís eile, beir ar an gcianrialtán gar
do lógó Philips (thart ar 10cm uaidh) agus brúigh na heochracha
* Dearg agus * Gorm ag an am céanna. Má éiríonn le
péireáil, beidh teachtaireacht ann.
Ceallraí
Cuirfidh an teilfís ar an eolas tú nuair a bheidh cumhacht
cheallraí an chianrialtáin íseal.
Chun na ceallraí a athsholáthar, oscail raca na gceallraí ar thaobh
an mhéarchláir den chianrialtán.
1 - Úsáid bior fiacal nó rud beag, maol eile agus brúigh an
cnaipe beag oscailte a bhfuil cruth cearnóige air chun an clúdach
a oscailt.
2 - Brúigh an luamhán beag in aice leis an bhfáiscín gorm chun
an fáiscín a scaoileadh.
3 - Athsholáthar na seancheallraí le 2 cheallra alcaileacha den
chineál AAA-LR03-1.5V. Bí cinnte go luífidh na deirí + agus -
de na ceallraí isteach i gceart.
4 - Brúigh an fáiscín gorm go dtí go gcliceálann sé.
5 - Cuir clúdach na gceallraí ar ais agus brúigh é go dtí go
gcliceálann sé.
Leag síos an cianrialtán ar feadh 15 soicind nó mar sin chun an
pointeoir a chalabrú.
Bain amach na ceallraí mura mbeidh siad in úsáid agat ar feadh
tréimhse fada.
Diúscair ceallraí de réir na dtreoracha atá tugtha maidir le
deireadh úsáide.
In Cabhair, brúigh * List agus cuardaigh Deireadh úsáide
chun tuilleadh eolais a fháil.
Glanadh
Tá bratú scrabhadh-fhriotaíoch ar do chianrialtán.
Chun an cianrialtán a ghlanadh, úsáid ceirt bhog thais. Ná
húsáid substaintí cosúil le halcól, ceimicigh ná glantóirí tí nó an
cianrialtán.
Teilifís / Cainéil teilifíse 25