User Guide

20
Анықтама және
қолдау
20.1
Теледидарды тіркеңіз
Теледидарды тіркеп, әртүрлі артықшылықтарды, соның
ішінде толық қолдауды (жүктеулерді қоса), жаңа өнімдер
туралы ақпарат алу, арнайы ұсыныстар мен жеңілдіктер,
сыйлықтар ұтып алу және тіпті жаңа өнімдер туралы
арнайы сауалнамаларға қатысу мүмкіндіктерін
пайдаланыңыз.
www.philips.com/TVsupport веб-сайтына өтіңіз
20.2
Анықтаманы пайдалану
Басты бет > Параметрлер > Анықтама.
Теледидарға диагностика жасау және ол туралы қосымша
ақпарат алу үшін Анықтама функциясын пайдалануға
болады.
• Теледидар ақпараты - үлгі нөмірін, сериялық нөмірін
және теледидардың бағдарламалық құрал нұсқасын
қараңыз.
• Әлсіз сигналдар журналын көру - сигнал күші
әлсірегенде, автоматты түрде сақталған арналар санының
тізімін көрсету.
• Жүйені жаңарту - Бағдарламалық құралды жаңарту бар-
жоғын тексеріңіз.
• Пайдаланушы нұсқаулығы - теледидар туралы
ақпаратты пайдаланушы нұсқаулығынан оқыңыз.
• Зауыттық параметрлерді қайтару - Барлық параметрді
зауыттық параметрлерге қайтару.
20.3
Ақаулықтарды жою
Қосу және қашықтан басқару
Теледидар қосылмайды
• Қуат кабелін розеткадан ажыратыңыз. Бір минут күтіңіз
де, қайта жалғаңыз.
• Қуат кабелі берік қосылғанын тексеріңіз.
Іске қосылу немесе өшу кезіндегі сықырлаған дыбыс
Теледидарды қосқанда, өшіргенде немесе күту режиміне
қойғанда, теледидардың корпусынан сықырлаған
дыбысты естисіз. Сықырлаған дыбыс теледидардың сууы
және жылуы кезіндегі қалыпты кеңею және тарылуына
байланысты болады. Бұл өнімділікке әсер етпейді.
Теледидар қашықтан басқару құралына жауап бермейді
Теледидардың іске қосылуына біраз уақыт қажет. Бұл
уақытта теледидар қашықтан басқару құралына немесе
теледидарды басқару тетіктеріне жауап бермейді. Бұл —
қалыпты әрекет.
Егер теледидар қашықтан басқару құралына одан әрі
жауап бермей жатса, ұялы телефонның камерасы арқылы
қашықтан басқару құралы жұмыс істеп жатқанын тексеруге
болады. Телефонды камера режиміне өткізіп, қашықтан
басқару құралын камера объективіне бағыттаңыз. Егер
қашықтан басқару құралында кез келген пернені бассаңыз
және камерада инфрақызыл жарық диодының
жыпылықтауын байқасаңыз, қашықтан басқару құралы
жұмыс істеп тұр. Теледидарды тексеру қажет.
Жыпылықтауды байқамасаңыз, қашықтан басқару құралы
бұзылған немесе оның батареяларының заряды төмен
болуы мүмкін.
Қашықтан басқару құралын тексерудің бұл әдісі
теледидармен сымсыз жұпталған қашықтан басқару
құралымен мүмкін емес.
Philips бастапқы экранын көрсеткеннен кейін теледидар
қайтадан күту режиміне өтеді
Теледидар күту режимінде болғанда, Philips бастапқы
экраны көрсетіледі, содан кейін теледидар күту режиміне
оралады. Бұл — қалыпты әрекет. Теледидар қуат көзінен
ажыратылса және қайта қосылса, келесі іске қосылғанда
бастапқы экран көрсетіледі. Теледидарды күту режимінен
қосу үшін қашықтан басқару құралындағы немесе
теледидардағы қуат түймесін басыңыз.
Күту режимінің шамы жыпылықтай береді
Қуат кабелін розеткадан ажыратыңыз. Қуат кабелін қайта
қоспай тұрып, 5 минут күтіңіз. Егер қайта жыпылықтаса,
Philips TV тұтынушыларды қолдау орталығына
хабарласыңыз.
Арналар
Орнату кезінде ешқандай сандық арналар табылмады
Сіздің еліңізде теледидар цифрлық арналарды
қолдайтынын тексеру үшін техникалық сипаттамаларды
қараңыз.
Барлық кабельдер дұрыс қосылғанын және дұрыс желі
таңдалғанын тексеріңіз.
Арналар тізімінде алдында орнатылған арналар жоқ
Дұрыс арналар тізімі таңдалғанын тексеріңіз.
51