User Guide

1. Cúram scáileán
OLED
Teicneolaíocht úrscothach is ea OLED Display agus tá
líon mór gradam bainte amach aige in éineacht lenár
Picture Quality Engine. Chun a chinntiú go bhfaighidh
tú an fheidhmíocht is fearr ó do theilifís i gcónaí,
tabharfaidh sí faoi phróiseas glanta ar an taispeáint
agus í i bhfuireachas.
Mura gcuireann tú do theilifís i bhfuireachas ariamh,
tabharfar fógraí rialta duit i bhfoirm teachtaireachtaí ar
an scáileán nach mór don taispeáint an próiseas
glanta seo a dhéanamh. Lean na treoracha sin i
gcónaí. Má chuireann tú an próiseas sin siar arís agus
arís, d’fhéadfadh coinneáil íomhá a bheith mar
thoradh air, rud a d’fhéadfadh do bharánta a chur ar
neamhní.
Ba cheart do theilifís a fhágáil i bhfuireachas le go
bhféadfaí an próiseas glantacháin sa chúlra a
dhéanamh.
Molaimid duit chomh maith gan íomhánna statacha
ná codanna statacha in íomhánna gluaisteacha
(cosúil le barra nuachta, scóir sacair, HUDanna
cluiche) a thaispeáint ar bhonn leanúnach.
Taifeach Taispeána na Teilifíse a athnuachan
Chun an scáileán a chosaint, ní mór an OLED TV a
athnuachan ó am go chéile.
Tá 2 chineál próiseas athnuachana:
• Gnáth-athnuachan: Tarlóidh sé seo go huathoibrích
agus tógann sé roinnt nóiméad nuair atá an teililfís i
mód fuireachais.
• Athnuachan iomlán: Tógann sé seo roinnt nóiméad
agus ní mór don tomhaltóir é a thosú.
Chun ligint don OLED TV an athnuachan a dhéanamh
i gceart, cloígh leis na céimeanna seo a leanas:
• Chun go dtarlóidh an gnáthpróiseas athnuachana go
huathoibríoch, úsáid an cianrialtán i gcónaí chun an
teilifís a chasadh as agus coinnigh an teilifís plugáilte
isteach.
• Nuair a thaispeántar an teachtaireacht gnáth-
athnuachana ar scáileán na teilfíse, lean na treoracha
ar an scáileán a mholtar duit.
• Is féidir próiseas domhain athnuachana a
ghníomhachtú de láimh trí Socruithe > Taispeáint &
Fuaim > Scáileán > SOCRUITHE SCÁILEÁIN OLED >
Glan íomhá iarmharach. Is féidir teachtaireacht
foláirimh a thaispeáint ar an teilifís freisin chun
iarraidh ar an úsáideoir athnuachan dhomhain a
dhéanamh. Lean na treoracha agus coinnigh
cumhacht na teilifíse plugáilte isteach chun ligint don
phróiseas iomlán críochnú. Tógann sé seo roinnt
nóiméad. Ní dhéanfar an próiseas domhain
athnuachana ach amháin nuair a fheictear íomhá
iarmharach ar an scáileán, fiú tar éis a bheith i
bhfuireachas ar feadh 8 n-uaire. Má thugtar faoi Glan
íomhá iarmharach ró-mhinic, d’fhéadfadh sé saolré
na taispeána OLED a laghdú. Tá sé tábhachtach, mar
sin féin, ligint do na timthrialla athnuachana nuair a
iarrann an teilifís iad.
• Ná leag mear ar an scáileán teilifíse i rith an phróisis
athnuachana, ná brú a chur air.
• Úsáid an cianrialtán i gcónaí chun an teilifís a
chasadh as agus coinnigh an teilifís plugáilte isteach
nuair a thosaítear an athnuachan.
* Tabhair faoi deara: Tá an próiseas seo éigeantach
chun go mbainfear taitneamh as an caighdeán pictiúir
is fearr. Más léir nach raibh deis ag an aonad próiseas
athnuachana a chríochnú ar bhonn rialta, ní féidir linn
glacadh le haon earraí ar ais, deisiúcháin, malairtí ná
éilimh baránta i ndáil le híomhánna iarmharacha
laistigh agus/nó lasmuigh den tréimhse baránta. Tá sé
sin amhlaidh chomh maith nuair a bhaintear úsáid as
an teilifís den chuid is mó le haghaidh cluichíochta le
hinneachar statach ar an scáileán, nuair nach n-
úsáidtear an teilifís ach chun féachaint ar chainéil
nuachta (le barraí nuachta statacha) nó cásanna
úsáide eile cosúil leo sin ina bhfuil riosca níos airde
ann go mbeidh éifeachtaí dó ar an scáileán. Níl sé seo
clúdaithe ag an mbaránta.
Cúram Speisialta do OLED TV
D’fhéadfadh coinneáil íomhá a bheith i gceist le LED
Orgánach (OLED) (mar gheall ar thréithe an ábhair),
sa chás go dtaispeántar íomhá ar feadh tréimhse fada
nó nuair a thaispeántar an íomhá chéanna ar bhonn
leanúnach. Moltar go láidir mar sin na treoracha a
leanúint chun aire a thabhairt don OLED TV:
• Ná taispeáin aon íomhá shocair ar bhonn leanúnach
ná an íomhá chéanna ar feadh níos mó ná 10
nóiméad.
• Moltar ECO, HDR Home Cinema nó Dolby Vision
Dark a úsáid mar stíl pictiúir nuair atáthar ag féachaint
ar an teilifís i gnáthchoinníollacha sa bhaile.
• Moltar an socrú OLED Codarsnacht 50 nó níos lú a
úsáid i socruithe pictiúir nuair atáthar ag imirt cluichí
nó ag féachaint ar chláir teilifíse a bhfuil lógónna
orthu nó cloig in aon chuid den scáileán.
• Cas as an ghné Taispeáint ar an Scáileán (e.g. na
roghchláir baile) den fheidhmchlár teilifíse nuair nach
bhfuil sé in úsáid.
• Cas as an ghné Taispeáint ar an Scáileán ó
ghléasanna físeáin seachtracha nasctha(e.g.
seinnteoir DVD). Féach ar threoirleabhair na
ngléasanna nasctha chun sonraí a fháil.
• Seachain físeáin a bhfuil dathanna geala orthu (bán
san áireamh), nó téacs, cloig nó lógónna in aon chuid
den scáileán ar feadh tréimhse fada.
• Úsáid Scáileán leathan nó Líon scáileán mar rogha
4